माछापुच्छ्रे बैंकले १४ प्रतिशत लाभांश दिने
माछापुच्छ्रे बैंकले १४ प्रतिशत लाभांश दिने
एभरेष्ट हेडलाइन्स
बुधबार, भदौ १३ २०८०
एभरेष्ट हेडलाइन्स
काठमाडौं । माछापुच्छ्रे बैंकले गत आर्थिक वर्षको (२०७९/८०) नाफाबाट १४ प्रतिशत लाभांश दिने घोषणा गरेको छ ।
.gif)
बैंकले १३.३० प्रतिशत बोनस सेयर र कर तिर्न ०.७० प्रतिशत नगद गरी कुल १४ प्रतिशत लाभांश दिने निर्णय गरेको हो ।
प्रस्तावित लाभांश नियामक नेपाल राष्ट्र बैंक र यस बैंकको आगामी वार्षिक साधारण सभाले अनुमोदन गरेपछि मात्र वितरण हुनेछ । यस अघि (२०७८/७९) मा बैंकले शेयरधनीको हात खाली गराएको थियो ।
बैंकमध्ये सबैभन्दा पहिला लाभांश प्रस्ताव गर्ने बैंक माछापुच्छ्रे बैंक बनेको छ ।
गत आर्थिक वर्षको चौथो त्रैमाससम्म आइपुग्दा माछापुच्छ्रे बैंकको खुद नाफा ९.७५ प्रतिशतले बढेर १ अर्ब ८५ करोड ११ लाख ५६ हजार रुपैयाँ पुर्याएको थियो ।
एक वर्षको अवधिमा बैंकको वितरणयोग्य नाफा भने १८.०९ प्रतिशतले बढेर १ अर्ब ५६ करोड ८७ लाख ४४ हजार रुपैयाँ पुगेको हो ।
.png)
