संसद् हल निर्माण ढिलाइमा सभामुख कडा, हरेक दिन एक करोड जरिबानाको चेतावनी

संसद् हल निर्माण ढिलाइमा सभामुख कडा, हरेक दिन एक करोड जरिबानाको चेतावनी

काठमाडौं । सभामुख डोलप्रसाद अर्यालले सिंहदरबारमा निर्माणको अन्तिम चरणमा रहेको संसद् हलको स्थलगत निरीक्षण गरेका छन् ।

संसद् सचिवालयका कर्मचारीहरूसहित उनी निरीक्षणमा पुगेका हुन् । गत जेठ १५ गते सोही हलबाट बजेट सार्वजनिक गर्ने घोषणा भए पनि हल अहिलेसम्म तयार हुन सकेको छैन । सो सन्दर्भमा सभामुख अर्यालले हल कुन मितिसम्म तयार हुने भनी निश्चित समयसीमा तोक्न निर्देशन दिए । साथै समयमा काम नसकिए हरेक दिन एक करोड रुपैयाँ जरिबाना तिराउने कडा चेतावनी पनि दिए । उनले सहरी विकास मन्त्री र सचिवलाई तत्काल बोलाई निर्माण कार्य शीघ्र सम्पन्न गर्न निर्देशन दिए ।

उनले भने, 'रातदिन काम गरेर भए पनि बोलेको कुरा पूरा गर्नैपर्छ। बहाना बनाइरहनुभएको छ। तपाईंहरूले हाम्रो कुरा नटेरेको होला, तर यो त अपमान भएन र ? यो राष्ट्रकै अपमान हो। अब मलाई ठोस निष्कर्ष चाहियो — यहाँ म कुनै बहाना सुन्दिनँ।'