बाढीले रोकेको करदाता उपहार असोज १ मा घोषणा हुँदै
बाढीले रोकेको करदाता उपहार असोज १ मा घोषणा हुँदै
काठमाडौं — रसुवाको भोटेकोशीमा आएको बाढीका कारण स्थगन गरिएको भदौ महिनाको करदाता प्रोत्साहन उपहार घोषणा आगामी असोज १ गते हुने भएको छ। आन्तरिक राजस्व विभागका महानिर्देशक डा. भीष्मकुमार भुसालले भदौ महिनाको पुरस्कार घोषणा यही असोज १ गते गरिने जानकारी दिएका छन्।
करदातालाई बिल लिन र कर तिर्ने प्रणालीमा अभ्यस्त गराउन नयाँ आर्थिक वर्षको बजेटमार्फत यो उपहार कार्यक्रम घोषणा गरिएको थियो। साउन १ गतेदेखि सञ्चालनमा आएको यस प्रोत्साहन कार्यक्रमअन्तर्गत भदौ १६ गते हुने भनिएको पुरस्कार घोषणा भोटेकोशी बाढीका कारण देशमा विपद् आएपछि स्थगन गरिएको थियो।
भदौ महिनाको दोस्रो १६ दिनका उपभोक्तामध्येबाट यसपटक २ जनाले रु. १० लाखका दरले बम्पर पुरस्कार जित्नेछन् भने ३१ जनाले रु. १ लाख ३३ हजार ३३४ का दरले पुरस्कार पाउनेछन्। यसअघि साउन महिनाको प्रोत्साहन कार्यक्रमअन्तर्गत पनि ३३ जना विजेता छनोट भइसकेका छन्, जसको भाग्यशाली विजेता छनोट अर्थमन्त्री डा. स्वर्णिम वाग्लेले गरेका थिए।
विपद्का कारण स्थगन भए पनि सरकारले करदाता प्रोत्साहन कार्यक्रमलाई निरन्तरता दिने निर्णय गरेकोबाट कर प्रणालीमा जनसहभागिता बढाउने योजनाप्रति सरकार गम्भीर रहेको देखिन्छ।
