भ्रष्टाचारविरुद्ध कानुनी प्रक्रियाअनुसार छानबिन हुनुपर्छ : सभापति गगन थापा

भ्रष्टाचारविरुद्ध कानुनी प्रक्रियाअनुसार छानबिन हुनुपर्छ : सभापति गगन थापा

काठमाडौं।  नेपाली कांग्रेसका सभापति गगन थापाले भ्रष्टाचार र अनियमिततासँग सम्बन्धित सबै फाइल खोल्न सरकारलाई आग्रह गर्नुभएको छ ।

मंगलबार झापाको बिर्तामोडमा आयोजित कार्यकर्ता भेलामा सम्बोधन गर्दै सभापति थापाले भ्रष्टाचार वा अनियमिततासँग जोडिएका सबै फाइल खोलिनुपर्ने र दोषी जो कोही भए पनि कारबाही हुनुपर्ने धारणा राख्नुभयो ।

"सबै फाइल खोल्नुस्, दोषीमाथि कारबाही हुनुपर्छ भन्नेमा कांग्रेस स्पष्ट छ," सभापति थापाले भन्नुभयो, "तर अनुसन्धान कानुनी प्रक्रिया र विधिको शासनभित्र रहेर नै हुनुपर्छ, लहडको भरमा होइन। सबै फाइल खोल्नुस्, सबै काण्डको छानबिन गर्नुस्। त्यसमा कांग्रेसका नेता नै परे पनि हामी जोगाउने प्रयास गर्दैनौं।