चीनले प्रतिबन्ध लगाएसंगै एप्पललाई दुई दिनमा २०० अर्बको घाटा
चीनले प्रतिबन्ध लगाएसंगै एप्पललाई दुई दिनमा २०० अर्बको घाटा
एभरेष्ट हेडलाइन्स
एभरेष्ट हेडलाइन्स
काठमाडौँ । चाइनाले प्रतिबन्ध लगाएपछि अमेरिकी टेक्नोलोजी जायन्ट एप्पलले लगातार दुई दिनमा २०० अर्ब अमेरिकी डलर गुमाएको छ ।
बिहीबारमात्रै चीनले सरकारी संस्था र कर्मचारीहरूलाई आइफोन प्रयोगमा प्रतिबन्ध लगाएको समाचार बाहिरिएको थियो । एप्पलमा दुई दिनमा करिब सात प्रतिशतको गिरावट आएको छ भने, क्वालकम, माइक्रोन टेक्नोलोजी, माइक्रोसफ्ट र एनभिडिया जस्ता अन्य कम्पनीहरूको सेयरमा पनि गिरावट आएको छ ।
चीनले आइफोनमाथि प्रतिबन्ध लगाएसँगै यससँग सम्बन्ध व्यापार गरिरहेकाहरूले आफ्नो सम्पत्ति बिक्री गर्न थालेका छन् । एप्पलबाहेक चीनमा निर्माण र बिक्रीका लागि निर्भर रहेका अमेरिकी कम्पनीहररूमा चिन्ता बढेको छ ।
एप्पलको चिनियाँ बजार ठूलो करिब १९ प्रतिशत रहेको छ भने, उत्पादन पूर्वाधारका लागि पनि यो बेइजिङमा निर्भर छ ।
अमेरिकाले सन् २०१९ मा नै चिनियाँ प्रविधि जायन्ट हुवावे र अन्य दर्जनौँ कम्पनीमाथि व्यापारसहितको पूर्ण प्रतिबन्ध लगाएको थियो । चीनले भने, अहिले आएर सरकारी अधिकारीहरुलाई आइफोन प्रयोगमा प्रतिबन्ध लगाएको हो ।
