इरानबाट फर्किंदै गरेका अफगानी चढेको बसमा आगलागी, ७३ जनाको मृत्यु

इरानबाट फर्किंदै गरेका अफगानी चढेको बसमा आगलागी, ७३ जनाको मृत्यु

अफगानिस्तानमा भएको सडक दुर्घटनामा ७३ जनाको मृत्यु भएको छ । मृतकमध्ये १७ जना बालबालिका छन् । तालिबानका एक अधिकारीले बीबीसी पश्तोसँग भनेका छन्, अधिकांश मानिसहरू इरानबाट फर्काइएका अफगानी शरणार्थी बोकेको बसमा सवार थिए ।

तालिबानका सूचना तथा संस्कृति निर्देशक अहमदुल्ला मुत्तकीका अनुसार, काबुल जाँदै गरेको बसमा आगो लागेको थियो । 

बसमा सवार सबै यात्रु र बससँग ठोक्किएका दुईवटा सवारीसाधनमा रहेका दुई जनाको पनि मृत्यु भएको छ । भर्खरका महिनाहरूमा इरानले आफ्नै देशमा द्वन्द्वका कारण भागेका अफगानी शरणार्थीलाई देशबाहिर पठाउने प्रक्रिया तीव्र पारेको छ । 

सन् १९७० देखि लाखौं अफगानी इरान र पाकिस्तानमा शरण लिएर बसेका छन् । यसमा सन् १९७९ मा अफगानिस्तानमा सोभियत आक्रमणका क्रममा र २०२१ मा तालिबान सत्ता फर्किएपछि ठूलो संख्यामा मानिसहरू समावेश छन् ।