काठमाडौं उपत्यकामा बढ्दो महँगी र अभावका कारण खर्च कटौती गर्न बाध्य नेपाली
काठमाडौं उपत्यकामा बढ्दो महँगी र अभावका कारण खर्च कटौती गर्न बाध्य नेपाली
काठमाडौं, भदौ २९ — काठमाडौं उपत्यकाका उपभोक्ता आपूर्ति अवरोध र बढ्दो ढुवानी लागतका कारण दैनिक उपभोग्य वस्तुको मूल्य आकासिँदा खाना र चाडपर्वको तयारीसमेत कटौती गर्न बाध्य भएका छन्।
गत भदौ १० गते (२६ अगस्ट) रसुवामा आएको विनाशकारी बाढीले पृथ्वी राजमार्गको केही भाग क्षति पुर्याएपछि उपत्यकातर्फको मालवाहक ढुवानी गम्भीर रूपमा प्रभावित भएको छ, जसले मूल्यवृद्धि रग्यास अभावलाई थप बढाएको छ। हरितालिका तीजको दर खानका लागि सेलरोटी बनाउन बजार गएकी ५३ वर्षीया शान्ति बेल्वासेले चामलको पिठो, चिनी, तेल र मसलाको भाउ एकैचोटि बढेको देखेर योजना नै रद्द गर्नुपरेको बताइन्।
नेपाल खुद्रा व्यापार संघका अनुसार तोरीको तेल एक महिनाअघिको प्रतिलिटर ४१० रुपैयाँबाट बढेर ४६० रुपैयाँ पुगेको छ भने सूर्यमुखी तेल २४५ बाट २९५ रुपैयाँ पुगेको छ। कालो दाल प्रतिकेजी १८० बाट २०० रुपैयाँ र बेसार ४५० बाट ५२५ रुपैयाँ पुगेको छ। कालिमाटी फलफूल तथा तरकारी बजार विकास बोर्डका अनुसार गोलभेँडा, आलु, प्याज, बन्दागोभी, काउली लगायतका थोक मूल्य पनि एक महिनाभित्रै बढेका छन्; नेपाली गोलभेँडाको थोक मूल्य १५.३८ प्रतिशतले बढेर प्रतिकेजी ७५ रुपैयाँ पुगेको छ।
